آيه أيمن بطلة السباحة البارالمبية .. أنا أشطر واحده تعمل بيض بالشكشوكة .. وبعشق مقالب رامز جلال
في شهر رمضان يكون هناك عادات وتقاليد خاصة فيما يتعلق بالاستعداد لشهر رمضان وجمع الزينة وبالتالي فإن معظم
الرياضين يعتمدون علي هذه الطقوس والتقاليد من أجل ممارسة حياتهم في شهر رمضان المبارك.
حرص ” كاس نيوز ” على معرفة طقوس أبطالنا الرياضيين في مختلف الألعاب خلال الشهر المعظم
واليوم تحكي لنا ايه ايمن بطلة السباحه البارالمبية، عن استعدادتها وطقوسها خلال شهر رمضان.
قالت ايه ايمن ان رمضان شهر كريم ومميز باجواءه وطقوسه فأنا قبل رمضان باسبوع اقوم باستعداد كامل لزينة رمضان ونزين بيها المنزل كاملا واقوم بوضع الفوانيس واعلق الانوار فهو شهر البهجه للجميع.
بخصوص التمارين قالت ايه:” يوم التمارين اصحي الفجر اصلي واستعد للتمرينات، لو مفيش تمارين بصحي عادي اصلي الصبح واقرأ القران واقضي يومي الطبيعي لو عندي جامعة، مذاكرة او اساعد ماما في تحضير الاكل.
طقوسي في رمضان قبل الفطار ان اساعد ماما في اعداد مائدة رمضان حاجات معينة بس اللي اقدر اعملها لاني مش شاطرة في الطبخ واقوم بتحضير العصير، طقوسي بعد الفطار اعداد الشاي ونجلس لنشاهد رامز جلال او عادل امام ونشاهد مسلسلات رمضان لو معنديش مزاكرة لو عندي مزاكرة بشوف برنامج رامز جلال عشان بحبه وادخل ازاكر، من ضمن طقوسي ايضا كان لازم اول فطار نفطر عند جدو الله يرحمه والعيله كلها تفطر عنده بعد ما توفي ممكن نروح لتيتا.
عن ذكريات رمضان والصيام بدأت اصوم وانا صغيرة جدا مش فاكرة وقتها كان عندي كام سنة ذكرياتي مع الصيام زمان وانا صغيرة كنت بصوم اول م بدأت صيام لحد العصر كان جدو الله يرحمه كان بيحتفل بيا وبعد كدا لما بدات اصومه كله كان بيفرح جدا.
من ضمن الذكريات ايضا ان اول فانوس جالي كان زمان وانا صغيرة اوي وبحب الفوانيس جدا لدرجة ان بكون زي الاطفال الصغيرة كل رمضان لازم اجيب فانوس او يجيلي فانوس واجيب زينة جديدة.
قالت ايه ايمن: انا فاشله جدا في اعداد الطعام لكن بعرف اعمل بيض بالشكشوكة انا اشطر واحدة تعمل بيض بالشكشوكة، لكن غير كدا مش بعرف اعمل حاجه، ممكن لو ماما طلبت مني حاجات بسيطة بعملهالها زي اني اقشر ثوم ، اقلب الاكل كدا…
وكشفت ايه ايمن بطلة السباحه البارالمبية ، عن معظم اكالاتي في رمضان محشي، ملوخية، بط، مكرونة بالبشاميل. وعن اكلتي المفضلة محشي ورق العنب من ايد ماما ويكون من ايديها لان بحب اكل ماما الصراحه كله وهي اللي تعمله، وعن المشروب المفضل في رمضان السوبيا جدا .
تحدثت عن رمضان مختلف عن زمان، زمان كنت بحس فيه بلمة العيلة اكتر لما كان جدو الله يرحمه كان موجود كان لاممنا اكتر، ورمضان عمتا بحس انه في مصر كلها انه كان زمان في الفه اكتر ومان في برامج فطوطه وبوجي وطمطم دي حاجه ناقصانا وناقصه رمضان حاليا.
وبخصوص مشاهدة المسلسلات الرمضانية، قالت ان مش هقدر اتابع للاسف اي مسلسلات علشان عندي دراسة وامتحانات الترم شغال طول شهر رمضان بس ممكن اشوف حلقه لو نزلت علي النت واتفرج عليها، هو عمتا بحب المسلسلات جدا وبحب اتابعها وهي بتتصور من قبل ما تنزل واشوف مين نازل رمضان ومين لا.
بتابع في رمضان ناس كتير جدا بتفرج علي رامز جلال بحب اتفرج علي عادل امام لما بينزل ودنيا سمير غانم، مني ذكي، مي عز الدين، امير كرارة، كريم عبد العزيز كتير اوي بحب اتابعهم.
تحدثت ايضا عن حياتها في رمضان مختلفه عن غيرها من الايام في انه: رمضان مختلف باجواء من زينة وانوار واجواء مختلفه ومبهجه.
وعن برنامجها الغذائي قالت مش باكل كتير بقدر انظم اكلي ببدأ بالبلح باللبن وبعد كدا السلطة وبعد كدا ببتدي ف الاكل بس مش بزود عشان لو في تمرين بعد الفطار لو مفيش تمرين باكل بس مش بزود ف الاكل اوي بحاول علي قد ن اقدر انظم اكلي.
في السحور اهم حاجه الفول.
واضافت استعداداتي للعيد اقوم بشراء لبس العيد وزينة للعيد من البلالين ولو في “بومب” بنشتريها دا لو لاقيناه لانه مبقاش موجود زي زمان، اصلي العيد في مسجد الصديق بجانب المنزل لاهتمامهم بزينة العيد والالعاب .
واختتمت حديثها عن بطولاتها في رمضان ابرزهم كانت اول بطولة عالم كانت ف رمضان وحققت فيها مركز سابع وكنت بسافر في رمضان وبحقق بطولات.
