الملاح يشيد بتعليق الدكتور أشرف صبحي ويؤكد أن النجاح لا يأتي إلا بالمجهود والمثابرة
نشر الدكتور وليد الملاح، رئيس شركة روابط الرياضية، عبر صفحته الرسمية على موقع التواصل الاجتماعي “فيس بوك”، تعليقًا على الجدل المثار حول صورة الدكتور أشرف صبحي، وزير الشباب والرياضة، خلال انعقاد الجمعية العمومية لنادي الزمالك، والتي ظهر فيها خلف المستشار مرتضى منصور.
وقال وليد الملاح:”حقيقي ده شيء يكسفه، هو إنه مقدرش يوصل للمستوى ده، إن حد كافح وبدأ من الصفر بالمجهود والمثابرة والسمعة الطيبة وصل لأعلى المناصب، دي مش مشكلته، دي مشكلتك أنت، وعشان كده كل اللي تقدر تعمله هو تعليق على هذه الصورة لأنك مقدرتش تعمل زيه.
لكن شوف د. أشرف صبحي رد إزاي، قال: (تاريخي وأعتز به)، وده يؤيد ما سبق من كلامي، مجهود وإنجاز ونجاح، شكرًا دكتور أشرف على ردك، ده أيضًا رد للتاريخ. القصة دي مكررة وعند ناس كتير، أي حد بيعلق فشله على الناجحين، ومش بس كده، لا بيهاجمهم وبيحاول ياخد مكانهم، ربنا يهدي الجميع”.
وكان الدكتور أشرف صبحي قد نشر عبر حسابه الرسمي على “فيس بوك” منشورًا يوضح فيه حقيقة الصورة المتداولة له، مؤكدًا أنه يعتز بتاريخه ومسيرته المهنية.
