حوار مع البطلة الأوليمبية هدايه ملاك في التايكوندو

استعدادات بطولة فرنسا

استعدادات بطولة كرواتيا هى هى استعدادات بطولة فرنسا خصوصا ان الفاصل بينهم كان اسبوع واحد بس ..معسكر ممتد فى صربيا مع منتخبها ابتدا من منتصف شهر يونيو ، وتخللها أكثر من بطولة وكان فيه معسكر دولى كبير شارك فيه أكثر من 20 دولة . والحمد لله كان ليه أثر كبير فى تطوير لعبى وبفضل الله النتائج طبعا .

كيف سارت التصفيات حتى االفوز
البطولات الأوروبية بتبقى فيها منافسه قوية جدا ، خصوصا ان لعيبة كتير بتعمل زى مانا عملت فى المشاركة فى أكثر من بطولة لقرب المدة بينهم و سهولة التحرك بين الدول فى اوروبا . فى كرواتيا كان عندى برد جامد ليلة البطولة وأثر عليا جدا خصوصا فى النهائى بعد ما أنهكت فى المباريات خصوصا ان من دور الثمانية لحد النهائى ، بألعب مباراة كل نصف ساعة ، لكن الحمد لله أحرزت ميدالية فضية . فى فرنسا ، أخدت كدمة قوية جدا فى مفصل رجلى فى دور ال 16 ، لكن بصراحه كان عندى اصرار انى أكمل للآخر ، لكن الحمد لله البرد اللى لازمنى فى كرواتيا كان اتحسن ، والاصرار وتطوير مستوايا حتى بين بطولتين الفرق بينهم اسبوع فرقوا معايا وحققت الميدالية الذهبية

ماهي البطوله القادمه
البطولات الجاية فى السنة الجديدة ، و لسه بيتم دراسة الأجندة الدولية للسنه كلها علشان أحدد هألعب ايه و فين وامتى .

ماذا يعني هذا الفوز
الفوز ده معناه ان ربنا بيكافئ المجتهد ، وان أى حد بيعمل مجهود ربنا مش بيضيع مجهوده .

هل هناك بطولات يحرص اللاعب علي المشاركه فيها أكثر من غيرها
فيه معايير كتير للاعب يحدد بيها ها يلعب ايه ، منها توقيت البطولة و مكانها و توفر العنصر المادى علشان يقدر يسافر ، وما اذا كان عنده ارتباطات تانية اهم وقتها زى مثلا اوقات التعافى من اصابة أو الانضمام لمعسكر مهم علشان الاعداد لبطولة ثانية .

نصيحه لشباب اللعبه لتطور مستوي اللاعب من بطوله وأخري
نصيحتى ان مفيش حاجة مستحيلة ، لكن ممكن يكون فيه حاجة صعبة محتاجة مجهود أكثر من غيرها ..و التوفيق و النجاح باذن الله بيبقى ملازم للمجهود المخلص والمنظم والمبنى على علم لأن العالم كله كده دلوقت .