شيماء خلف بطلة الأثقال تستغيث بوزير الرياضة: “المدرب قالي هقعدك في البيت”
أرسلت بطلة رفع الأثقال المصرية شيماء خلف، رسالة استغاثة للدكتور أشرف صبحي وزير الشباب والرياضة، متهمة الاتحاد المصري للعبة بالتزوير.
وكتبت شيماء خلف عبر حسابها على موقع التواصل الإجتماعي “فيس بوك”: “لما اقعد ألعب 13 سنه وأرفع علم مصر في جميع الدول وعملت ميداليات لمصر كثير قوي ويجي مدرب ويقول لي انا هقعدك في البيت مش هخليكي تلعبي حديد تاني دي اقول عليه ايه”.
وأضافت: “لما النيابة تثبت على الاتحاد التزوير والاختلاف دي اقول ايه عليا ولما الاتحاد يزور امضتى علي 17 ورقه ولما المدرب يوقف 6 لاعيبة ما لهمش اي ذنب علشان غلطة من المدرب”.
وأكملت: “أنا بقالي 13 سنه بطلة الميزان ويجي رئيس الاتحاد يقول لي انا مش هخليك تلعبي حديد ثاني كل ده عشان انا قلت كلمه الحق فين وزير الشباب والرياضه فين رئيس اللجنة الأولمبية مفيش مسؤول في البلد يشوف المشكله دي كفايا ظلم بقا حسبي الله ونعم الوكيل”.
