عضو مجلس الزمالك بعد الخسارة من الأهلي في السوبر الإفريقي لكرة اليد: حقكم عليا ماتزعلوش

علق رامي نصوحي، عضو مجلس إدارة نادي الزمالك، على خسارة فريق كرة اليد أمام الأهلي في نصف نهائي بطولة السوبر الإفريقي، مؤكداً تفهمه لحزن الجماهير، ومشدداً على أن الإدارة الحالية تتحمل المسؤولية وتعمل على بناء الفرق من جديد.

وكتب نصوحي عبر صفحته الرسمية على “فيس بوك”:
“أنا عارف إن الناس زعلانة، وعندها كل الحق، مفيش حد بيحب يشوف فريقه بيخسر، لكن إحنا استلمنا ألعاب الصالات زيها زي باقي حاجات كتير في النادي، محتاجة شغل وبناء وصبر”.

وأضاف: “كنا عارفين قبل الانتخابات إننا هنواجه كل اللي إحنا شايفينه دلوقتي، ومستحملين، وبنلتمس العذر للناس، يمكن ما نلحقش نحصد ثمار اللي بنعمله، لكن الأهم إننا نحط الزمالك على الطريق الصح، علشان اللي ييجي بعدنا ما يشوفش اللي إحنا شفناه، ولا يعيش اللي إحنا عشناه”.

واختتم نصوحي رسالته بتوجيه الشكر للجماهير التي حضرت المباراة قائلاً: “بشكر كل الناس اللي حضرت الماتش النهاردة، وحقكم عليا، ما تزعلوش”.

وجاءت تصريحات نصوحي بعد خسارة الزمالك أمام الأهلي بنتيجة 31-26، في مباراة قوية أقيمت على صالة الأمير عبد الله الفيصل، ليتأهل الأهلي إلى نهائي كأس السوبر الإفريقي.