السبت. فبراير 8th, 2025
المشرف العام : محمد الدمرداش
رئيسا التحرير : احمد الاحمر , محمد قطب

kasnews – كاس نيوز

ول موقع رياضي للالعاب الفردية و الالعاب الجماعيه و كل ما هو جديد من اخبار الرياضه المحليه و العالميه

على الصاوى : لو كنت لعبت في طوكيو بنص مستوايا كنت حققت الميدالية الذهبية

اعرب على الصاوى لاعب منتخب مصر للكاراتية عن حزنة لعدم التوفيق في الأولمبياد التى شارك فيها اللاعب مؤخرا

وخرج على الصاوى من حالة الصمت التى عاش فيها منذ عودته من طوكيو وعدم توفيقه وكتب الصاوى عبر صفحته الشخصية على موقع التواصل الاجتماعي فيس بوك رسالة مؤثرة وجاء نصها كالتالي:

أنا عارف طبعا إنى قدوه ناس كتير و دى حاجه بتشرف بيها طول حياتى و دى حاجه مجاتيش بالصدفه
دى جت بالتعب و مجهود وقعت و قومت كتير عمرى في حياتى ما استسلمت. إتعرضت لكل أنواع الضغوط كنت بأقف على رجلى و أكمل ولا أكن حاجه حصلت

لكن غصب عنى أبقى زعلان أفتكر وانا كنت بهون على نفسى عشان مستسلمش للتعب و أقول في نفسى بكره هنرتاح بعد الميداليه الدهب
غصب عنى أزعل لما أفتكر أن بقالى خمس سنين معطل دراستى عشان خاطري حلمى
والدى و والدتى ببقي سايبهم تعابنين في البيت و انا ببقي في المعسكر
حاجات كتير ضحيت بيها في حياتى لكن الحمدلله على كل شئ

ربنا شاهد و مطلع أنا بذلت مجهود أد إيه و مدخرتيش ذره عرق و كنت بموت نفسى إزاى
لكن مجريات ربنا و تدبيره إنى أبقي في حاله الضغط التوتر و إنى أكون مش حاضر ذهنيا
لان أنا لو كنت لاعبت ب٥٠% من مستوايا كنت جبت دهب
ربنا شاهد إنى مكنتيش عاوز حاجه من ورا الميداليه لا شهرة ولا فلوس مكنتيش عاوز غير إنى البس الميداليه على المنصه و أمتع نظرى بيها و أفرح بتعبى و أفرح عائلتى و اتصوربيها معاهم ده كل همى

أخر حاجه أنا عمرى ما التفت لأى هجوم أو انتقاد لان مكنتيش هوصل للمكانه دى لو سلمت ودنى لمين قال و مين ماقلش و ده غير إنى بقالى شهرين قافل كل حاجه
ياما دقت على الرأس طبول
الناجح دايما لى أعداء و منتقدين
وانا بتعامل مع الكلام ده معامله إعلانات اليوتيوب مبشوفهاش سوء حلوه أو وحشه

“اللهم إنى أحتسب هذا العمل فى سبيلك، فاكتبه فى ميزان حسناتي، وارفع به من درجاتي، كلمة عليها نحيا وعليها نموت نلقى الله لا إله إلا الله محمد رسول الله