كيلوباترا كرة السلة المصرية ثريا محمد : أكلتي المفضلة ورق العنب والحواوشي وبحب يجيلي فانوس جديد كل سنة
دائما ما يكون للاعبين واللاعبات طقوس خاصة في شهر رمضان الكريم، متعلقة بالإفطار والسحور والروتين اليومي، خاصة مع ارتباطهم بالتدريبات والمشاركة في البطولات.
وحرص ” كاس نيوز ” على معرفة طقوس أبطالنا الرياضيين في مختلف الألعاب خلال الشهر المعظم.
واليوم تحكى لنا ثريا محمد لاعبة الأهلي ومنتخب مصر لكرة السلة عن أهم طقوسها فى شهر رمضان الكريم.
وروت كيلوباتر كرة السلة المصرية طقوسها استعدادا لرمضان قائلة: “بحب أقضيه مع أهلي، ونعلق الزينة، وبحضر قائمة المسلسلات اللي هتفرج عليها”.
وأضافت: “يومي في رمضان بيمشي اني بصحى أروح الشغل وبرجع أروح أعمل تأهيل لأني راجعة من إصابة بالرباط الصليبي، وبعد الفطار بروح أصلي التراويح”.
وعن أول شهر رمضان صامت خلاله قالت: “بصوم من وأنا عندي 10 أو 11 سنة، الشهر ده شهر عبادة، وبستناه من السنة للسنة، بقرب من ربنا أكتر وكل حاجة بيني وبينه بتبقى أحلى”.
وعن ذكريات أول فانوس حصلت عليه، قالت: “أول فانوس كان وأنا 10 سنين مامتي جابته، وكل سنة بحب يجيلي فانوس جديد، السنادي حصلت على أول فانوس من خطيبي”.
وأكمل: “لازم كلنا نتجمع في رمضان وناكل مع بعض، العزومات أحلى حاجة في رمضان ما بين أهلي أو خطيبي أو الفريق، وبشوف ناس مبشوفهاش كتير”.
وأكدت ثريا محمد أنها لا تجيد إعداد الطعام، موضحة: “مش بعرف أطبخ بس بحضر السفرة، أو أقطع حاجات، لكن مش بعرف أعمل أكل”.
وأكدت نجمة كرة السلة المصرية أن أكلاتها المفضلة هي ورق العنب والحواوشي والفراخ البانيه، بينما يعد عصير الفراولة هو مشروبها المفضل.
وعن أول فطار في رمضان أمس قالت: “فطرت ورق عنب وبط وكفتة ورقاق”.
وتحدث ثريا محمد عن طقوسها في رمضان من أجل الحفاظ على قوامها، قائلة: “بحاول ماكلش بليل كتير عشان بتسحر وبنام، بس بفطر كويس وباجي بعدها بشوية باكل حاجة خفيفة”.
وأضاف: “كمان بشرب مياه كتير وفي رمضان بشرب ضعف اللي بشربه في العادي عشان أعوض الصيام”.
وعن اختلاف رمضان حاليا عن الماضي قالت: “طبعا رمضان اختلف عن زمان، خصوصا في وجود الكورونا، وبيبان في الصلاة تحديدا، مبقاش في ناس كتير زي الأول في المساجد بسبب كورونا”.
وأكدت كيلوباترا السلة المصرية أنها تحرص على متابعة العديد من المسلسلات في رمضان، قائلة: “بتابع رامز جلال على الفطار، وبحب مسلسلات يسرا وغادة عبد الرازق”.
وكشف ثريا أنها قامت بعمل مقلب في صديقاتها، خاصةً وأن أول أيام رمضان تزامن مع الأول من ابريل، قائلة: “عملت مقلب في كدبة ابريل، وقلت لأصحاب جالي عقد احتراف وهسافر ومش هشوفكوا تاني ولازم نتقابل”.
وعن طقوسها في العيد قالت: “بصلي العيد في النادي مع أصحابي كل سنة، وبعد الصلاة لازم نفطر مع بعض”.
