“لو حد سامع حكايتي هيبكي بدل الدموع دم ” .. رسالة مفاجئة من كيشو

نشر البطل الأولمبي محمد إبراهيم كيشو لاعب منتخب مصر للمصارعة رسالة مفاجئة عبر حسابه الشخصي على موقع التواصل الإجتماعي فيس بوك يؤكد فيها تمسكه باللعب بإسم مصر رغم الصعوبات التي واجهها خلال مسيرته الرياضية وذلك في ظل الأزمة المثارة الحالية حول رحيل بعض اللاعبين للتجنيس بإسم دول أخرى.

وطالب كيشو في رسالته التي نشرها الدعم والمساندة من الجماهير للأبطال في الألعاب الفردية من أجل مزيد من البطولات والانتصارات بإسم مصر.  

وكتب كيشو عبر صفحته الشخصية :

“انا لو حد سمع حكايتي هيبكي بدل الدموع بحور اه والله

لو نصف الناس اللي اتكلمت في موضوع بغدودة زميلنا

وشجعتنا عمر ما كان حد هيفكر يسيب البلد لو نصف الناس اللي مش عارفة التفاصيل دي عملت لايك لصفحات اللاعيبه اللي جابت مرات اول افريقيا و عالم و ميداليات اولمبية كان زمنا في حتة تانيه خالص

يا جماعة انتم عرفين في كام بطل افريقيا في مصر كام الف ميداليه دهب كتير لان في لعبتنا اللي ميجبش دهب افريقيا في السن ده عمره ما هيكون بطل عالم ولا اولمبي

شجعونا الله يكرمكم البدايه منكم الرياضة الفرديه بشكل عام فقيرة لان جمهورها محدود و ده في اديكم و انا منكرش ان الدنيا اتغيرت مديا اخر ٦ سنوات لما بقي في رعايات و اهتمام بس ده جه بالدراع و المكاسب اللي اتحققت علي البساط مش بالكلام”.

وتعتبر كلمات البطل الأولمبي محمد إبراهيم كيشو الحاصل على الميدالية البرونزية في أولمبياد طوكيو وبطل العالم وأفريقيا مؤثرة خلال الفترة الحالية بعد الأزمة المثارة حول هروب بعض اللاعبين للتجنيس بسبب أزمة المقابل المالي حيث أكد كيشو في تصريحاته أن الفترة الأخيرة خلال السنوات الست شهدت تطور كبير بعد توفير الرعاية للأبطال الرياضيين بعد النجاحات التي تحققت.