نجم الزمالك يوجه رسالة استغاثة لإنقاذ فريق كرة اليد
وجه محمد رمضان هتلر لاعب الفريق الأول لكرة اليد بنادي الزمالك المعتزل حديثا، رسالة استغاثة إلى اللجنة الأولمبية ووزارة الرياضة لإنقاذ فريق اليد من الأزمات التي تحاصره.
وجاءت استغاثة “هتلر” كالتالي:
انا مش قادر اسكت على اللي بيحصل فى النادى اللي بحبه وبعشقه واتمنيت العب فيه وكان ليا الشرف انى امثله وارفع رايته فوق وعلى منصات التتويج.
اللي بيحصل فيه كتير وكتير جدا فرقة الكوماندوز عندها بطولة عربية لغاية وقتنا هذا مش عارفيين هيطلعو ولا لا، عقود مش معتمدة تقريبا الفرقة كلها ما اتسجلتش، وكل فرق النادي على هذا النحو.
الناس اللي مسئولة عن الرياضة ساكتين ليه مقيدين الأيدى ليه بدون مبرر رموز النادي الكبار جدا ساكتين ليه على حال النادى الناس كلها لازم تتحرك الناس اللي بتحب النادى من قلبها لازم تتحرك النادى بقا دولة طالعة من حرب منهار تمام على كل الأصعدة وكله بيتفرج عليه مستنى ينتهى مثلا.
انا بناشد اللجنة الاولمبية ووزير الرياضة والاتحادات الرياضية جميعا رموز النادى الكبار وكبار جدا يقدرو يغيرو الواقع بعد فضل الله عز وجل عشان مصلحة مصر نادى الزمالك قلعة رياضية كبيرة وتقريبا ٥٠ ٪ من لعيبة المنتخبات من نادى الزمالك لازم نتحرك ومن دلوقتى رجااء.
ويعاني نادي الزمالك أزمات كبيرة خلال الفترة الأخيرة على مستوى مجلس الإدارة أسفرت عن حالة من عدم الاستقرار باتت تهدد مشاركة الأبيض في البطولات الدولية والقارية.
