سارة سمير بطلة مصر الاولمبية في رفع الأثقال : المحشي والبط أساسي أول يوم على الفطار .. وبحب اطبخ اللى على مزاجي
في شهر رمضان يكون هناك عادات وتقاليد خاصة فيما يتعلق بالاستعداد لشهر رمضان فإن معظم الرياضيه يعتمدون علي هذة الطقوس الطقوس والتقاليد في شهر رمضان.
حرص ” كاس نيوز” علي معرفة طقوس ابطالنا الرياضيين في مختلف الالعاب خلال الشهر المعظم.
واليوم تحكي لنا سارة سمير بطلة رفع الأثقال الأوليمبية، عن استعداداتها خلال شهر رمضان الكريم.
تحدثت سارة سمير عن تفاصيل يومها واستعداداتها لشهر رمضان، قالت سارة سمير ان شهر رمضان شهر الطاعة والإحسان والمغفرة، فأنا يومي في رمضان اصحي بعد الظهر اصلي الظهر واقرأ القرآن حتي آذان العصر اصليه واستعد لتمرينة قبل الفطار، ثم استعد الفطار وبعد ذلك أخذ قسط من الراحة، ثم استعد لتمرينة بعد الفطار، ثم يأتي معاد السحور واتسحر وهكذا يوميا طول شهر رمضان.
وقالت سارة انا بدأت اصوم من وانا صغيرة عندي ١٠ سنين، تحدثت أيضا عن الصيام أكثر الأشياء التي تعلق معي وانا صائمة واتمرن قبل الفطار اشعر بالعطش الشديد :دي اكتر حاجه بتعلق معايا في رمضان”.
وعن طقوسي في رمضان، اول يوم فطار لازم في البيت ودائما بيبقي محشي وبط، وعزومات رمضان مبتبقاش كتير اوي عشان تمرينات وميزاني.
وأكدت سارة بحديثها عن الطبخ،” انا مش بعرف اعمل اكل اوي لكن بحب اعمل بمزاجي بإني اشوف الوصفه وأعملها واكتر حاجه بحب اعملها الكيك”.
وعن برنامجي الغذائي مليش برنامج غذائي معين، ولكن لما بلاقي ميزاني عالي، بقلل بالنشويات والسكريات ويحاول علي قد ما اقدر احافظ، وبعمل لنفسي وجبه قليله من الدهون والنشويات.
وبالنسبة لمسلسلات رمضان، ” انا مليش فيها اوي وانا بحب اشوف الكارتون اكتر فمليش مسلسل معين”، لكن ممكن اشوف مسلسل الكبير أوي.
وتحدثت سارة عن اختلاف رمضان زمان عن رمضان الحالي، زمان لما كان رمضان يجي كان بيبقي ليه زهوة مختلفه، غير دلوقتي انه رمضان هصوم عادي تنقضي يومي الطبيعي عادي، لكن قبل كدا بحس بفرحة رمضان، والزينة كانت بتملي الشوارع اكتر، والمسحراتي دا كنا بنام ونصحي علي صوته، دلوقتي الناس اصلا بتبقي صاحية عادي، كان في حاجات كتير اوي زمان الواحد افتقدها وفقدها دلوقتي.
وعن اكلتي المفضلة السمك ومشروبي المفضل المانجا.
في السحور بحب اكل عادي جدا وبحب اتسحر.
وعن استعداداتي للعيد، بيبقي اول يوم عادي بقضية في بيتي كله، عشان تاني يوم بنروح المنتخب، وساعات كتير جدا بنقضي العيد كله في المنتخب فالبنسبة ليا العيد يوم عادي جدا.
