سمر حمزة بطلة المصارعة الأوليمبية: المشوار بدأ.. محتجاكم معايا ولسه هحاول ومش هقف
علقت سمر حمزة بطلة مصر في المصارعة على مشاركتها في بطولة التصنيف العالمي للمصارعة التي تقام في تركيا في الفترة من 24 فبراير حتي 27 فبراير.
ونشرت حمزة على صفحتها على موقع التواصل الاجتماعي “فيسبوك”:
“المشوار بدء ادعولنا
شكرا لكل من وقف في ضهري
كابتني و د أشرف صبحي و لواء عصام ودكتور محمود السيد ودكتور وليد و دكتور كردي و دكتور عبد الاول واللوا خالد شكري العميد وليد شوقي والعميد سعيد صلاح العميد هاني عبد الفتاح و من غير حتي الاسماء وزاره و اتحاد و روابط الرياضة كلهم.
لسه مشواري طويل و محتاجكم معاايا ده كلام من قلبي بس بجد بجد بيقولوا
اكتر حد بيحقق انجاز اللي مش متوقع منه الانجاز
و انا بحاول ولسه هحاول و مش هقف
اما عند الناس اللي بتصطاد في الميه العكره و بتسيح علي اي غلطه او مشكله ولا هبص ليكم و لو كنت معصوم ابقي اتكلم
الي التصنيف العالمي في تركيا “.
وغادرت منذ قليل سمر حمزة بطلة مصر في المصارعة برفقة الكابتن محمد طلبة إلى دولة تركيا من أجل خوض بطولة التصنيف العالمي للمصارعة في الفترة من 24 فبراير حتي 27 فبراير.
كانت قد جددت سمر تعاقدها مع شركة روابط الرياضية برئاسة دكتور وليد الملاح كوكيل ومسوق حصري حتى أولمبياد باريس 2024.
حضر جلسة توقيع العقود دكتور وليد الملاح رئيس الشركة وسمر وكابتن محمد طلبة مدرب اللاعبة.
يذكر أن سمر توجت ببرونزية العالم مؤخرًا والتي تعتبر الميدالية الأولى في تاريخ المصارعة النسائية.
وتعتبر سمر من أهم اللاعبات تشريفًا لمصر في المحافل الدولية والأفريقية مما جعل قصة حياتها أرض خصبة ليتم تناولها في إحدي قصص مسلسل إلا أنا والذي تم عرضه منذ أسابيع.
