كريم عبد الجواد يكشف تقاصيل إصابته التي أبعدته عن المنافسة
كشف كريم بد الجواد بكل الاسكواش ولاعب نادي وادي دجلة عن سبب ابتعاده عن المنافسة مؤخرا و عدم مشاركته في البطولات.
وقال عبد الجواد عبر حسابه على الفيس بوك:
ناس كتير بتسأل ليه مختفي و بعيد عن المنافسه و مش بلعب أنا النهارده جاي اشرحلكم ايه السبب ، في سنه ٢٠٢٠ كنت في بطوله مانشستر اوبن حسيت بألم جامد أوي مش قادر أتحمله , عملت فحوصات كتير عشان أعرف أنا عندي إيه ..بعد الفحوصات قالولي إن أنا عندي إصابه بتحصل مره لكل مليون رياضي محترف و مع ذلك جيت علي نفسي فترة كبيرة إني أتعالج و العب في نفس الوقت علشان موقفش فترة بس الألم و الوجع ماسعدونيش اني أعمل ده .
وأضاف : مابقتش أعرف أمشي ذي الأول ولا حتي في يومي الطبيعي بسبب الإصابه .. بدأت العلاج في المانيا مع دكتور متخصص في حالتي ، و بقيت بحتاج أسافر ألمانيا كل أسبوعين مره للعلاج و الحقنه علي أمل إني أقدر أرجع أنافس تاني .
وواصل : أنا حاليا محتاج الدعم من كل الناس اكتر من أي وقت عشان أقدر أرجع تاني أنافس ، أستمتع و أمتعكم.. و طبعا الحمد لله علي كل شي و بتمنى من ربنا إني أخف و أقدر أرجع أنافس تاني.
