أحمد الأحمر يعلق على انتقاله للبنك الأهلي ويوجه رسالة لجماهير الزمالك

علق أحمد الأحمر أسطورة كرة اليد على انتقاله إلى نادي البنك الأهلي، موجهًا رسالة مؤثرة إلى جماهير الزمالك الذي يعتبر بيته الأول.

وأعلن نادي البنك الأهلي مساء السبت تعاقده رسميًا مع أسطورة كرة اليد المصرية أحمد الأحمر، في صفقة قوية لتدعيم صفوف الفريق استعدادًا للموسم الجديد.

ونشر الأحمر صورة له من مراسم التوقيع مع البنك الأهلي عبر صفحته على موقع التواصل الاجتماعي “إنستجرام” وعلق عليها:

“في البداية حابب أشكر نادي البنك الأهلي على انضمامي ليهم وثقتهم فيا وأنهم حابييين يعملوا مشروع محترم ويوصلوا لمكان أحسن ولتوفير كل الإمكانيات للوصول للهدف ده”.

تابع: “أنا عجبني المشروع جدا ويشرفني أكون جزء منه لسببين: السبب الأول إن الفريق عنده هدف إنه يكون في مكانة أحسن والتاني إني هستمتع والعب من غير أي ضغوط من اللي مريت بيها آخر 3 سنين، لأني بحب الهاندبول جدا وفعلا لسه عايز أشبع منها”.

أضاف: “ناس كتير مش فاهمة، فحبيت أشرح ده والموضوع بعيد برده عن الماديات، ومن غير شرح عشان دي حاجة تخصني”.

استكمل: “في النهاية بقى نادي الزمالك ده بيتي اللي اتربيت فيه واللي بأعتبر نفسي جزء منه وهو بالنسبالي كل حاجة، وعمر ما في حاجة هتأثر على شعوري ناحية البيت اللي اتربيت فيه عمري كله”.

أختتم: “نادي الزمالك طول عمره كبير وهيفضل كبير بولاده وجمهوره وكل اللي بيحبوه”.

ويُعد أحمد الأحمر أحد أبرز نجوم كرة اليد على المستويين المحلي والدولي، بعدما حقق مسيرة حافلة بالإنجازات مع الأندية والمنتخب المصري، ليواصل مشواره الرياضي من بوابة البنك الأهلي في واحدة من أبرز صفقات الموسم.