أحمد السيد بطل سلاح سيف المبارزة : “شوفت الموت بعيني وربنا نجاني”

نشر أحمد السيد لاعب منتخب مصر لسلاح سيف المبارزة، عبر صفحته الشخصية على موقع التواصل الإجتماعي ”فيسبوك”، قائلًا: ”وما الحياةُ الدّنيا إلا لَعِبٌ ولهوٌ وللدّارُ الآخرةُ خيرٌ للذينَ يتّقونَ أفلا تَعقلون، الأنعام 32، الحمدلله ربنا أنعم عليا من صغري بنعمة الرياضة وجعلها طريق ليا إني أسافر بلاد كتير”.

وأضاف: ”السفر بقى جزء من حياتي تقريباً خصوصاً إني عايش بقالي فترة برا مصر، ركوب الطياره بالنسبالي عمره ما كان حاجة بفكر فيها من كتر ما كنت بعملها، بل بالعكس كانت حاجة كان نفسي أعملها من وأنا صغير”.

وتابع: ”من يومين أنا شوفت الموت بعيني وأنا في الجو ومكنتش مستوعب ازاي كل حاجة ممكن تخلص في ثانيه من غير أي مقدمات، الحمدلله ربنا نجاني منها على خير واداني فرصة تانية، ساعتها بس أدركت إن الدنيا قصيرة جداً و مفيش حد واخد معاه حاجة وهو ماشي”.

واختتم: ”أنا مش عايز أخوف حد من كلامي بس بلاش تستنى تتحط في نفس الموقف عشان تحس أو تفهم إن معادك قريب، قرب أكتر من ربنا واسأل على كل حد بتحبه واعمل أكتر لآخرتك، موقف خلاني مقتنع جداً بجملة حد قالها قدامي قبل كدة ”طول ما سيرة الموت بعيدة عنك ومش بتأثر فيك راجع نفسك”.

يذكر أن قد حقق أحمد السيد الميدالية البرونزية في بطولة كأس العالم لسلاح سيف المبارزة، التي أقيمت في مدينة كازان بروسيا، بعد خسارته في نصف النهائي أمام الأوكراني إيجور ريزلين.

كما قد حقق البطل أحمد السيد فوزًا ساحقًا على اللاعب الإسرائيلي يوناتان كوهين، في بطولة العالم للسلاح التي أقيمت بالقاهرة في شهر يوليو الماضي.