تفاصيل استبعاد مصر من الكأس القارية للطائرة الشاطئية المؤهلة لطوكيو
قررت اللجنة المنظمة لبطولة الكأس القارية للكرة الطائرة الشاطئية بالمغرب والمؤهلة لأولمبياد طوكيو، استبعاد منتخب سيدات الكرة الطائرة الشاطئية من منافسات البطولة بحسب ما أكدت دعاء الغباشي لاعبة منتخب مصر.
وكتبت دعاء عبر حسابها على فيس بوك : بكل هدوء احنا لاعيبه حلمنا من ٢٠١٦ نتأهل أوليمبياد وبقالنا ٥ سنين بنتمرن عشان البطولة دي تيجي البطولة وتكون في المغرب اللى هي البلد المنافس أصلا عملنا مسحه قبل ما نسافر طلعت سلبي وماسحه اول ما وصلنا وبرضه طلعت سلبي وقايلين كلهم إن اغادير مفهاش كورونا وأنهم بيعملو كده عشان يحافظو علي البلد اول ما وصلنا اتعمل مسحه وفضلنا ٣ ايام في الغرف عشان النتيجة تطلع ومرضوش يخرجونا من الغرف غير لما النتيجة تطلع وطلعت سلبي الحمد لله من ٣ أيام فجاه قالو كله ينزل يعمل مسحه مع إنهم اصلا مكنوش قايلين إن في مسحه هتتعمل تاني عشان المفروض إننا في فقاعه فقاعه في فندق فيه ١٠٠ الف شخص ونصهم سياح بره البطولة إمبارح الساعه ١١ بليل بتوقيت مصر ١٢ قالو مصر متخرجش بره الغرف عندهم حاله ..إزاي وامتى وكلنا كويسين قلنالهم مين قالوا مدرب منتخب الرجال.
وتابعت : طب هنعمل ايه يا جماعه قالو هنلعب لحد ما اللجنة الطبيه تاخد قرار ماتشنا انهارده الساعه ٩ الصبح طبعا نمنا كلنا اللاعيبه بعد ما اتاكدنا اننا هنلعب بعد توتر وعياط وصويت..فجأة نصحي علي رساله الساعه ٣:٣٠ توقيت مصر ٤:٣٠ متخرجوش من الغرف انتم بره البطولة ..يرضي مين ده يا عالم يرضي مين.
وواصلت : دي لعبة واحنا متاكدين منها المدرب سليم ومع العلم ممنوع حتي نجيب حد يعملنا مسحات جديدة ولا حتي فكروا يعيدوا المسحة ولا اصلا شوفنا ورق المدرب الي بيقولوا انه ايجابي، احنا ماتشنا الساعه ٩ الصبح يعني كام ساعه ماتش ضامنينه نكسبه نكون في النهائي احنا مخالطين جميع اللاعبين ومخالطين فرقه المغرب والفرق الي لعبناها والحكام والناس اللى في المدرجات الي هما منظمين احنا مخالطين رئيسه الاتحاد الافريقي الي هي رئيسه اتحاد المغرب اصلا يعني لو في فعلا حق يبقي المنتخبات كلها يتعملها ماسحه اشمعنى مصر هي اللى إيجابي ولو ايجابي هتبقي إيجابي من مين من نفسها يعني ..حد يلحقنا والنبي احنا حلمنا فجاه بقي تراب ومش عارفين نعمل حاجه يارب انت حسبي ونعم الوكيل.
