جيانا فاروق بطلة الكاراتية الأوليمبية : يوسف الشريف منعنى من مشاهدة أى مسلسلات “السنادي” .. وعمايل المحشي لعبتى
في شهر رمضان يكون هناك عادات وتقاليد خاصة فيما يتعلق بالاستعداد لشهر رمضان فإن معظم الرياضيه يعتمدون علي هذة الطقوس الطقوس والتقاليد في شهر رمضان.
حرص ” كاس نيوز” علي معرفة طقوس ابطالنا الرياضيين في مختلف الالعاب خلال الشهر المعظم.
واليوم تحكي لنا جيانا فاروق بطلة الكاراتية الاوليمبية، عن استعداداتها وتفاصيل يومها خلال شهر رمضان الكريم.
تحدثت جيانا عن استعداداتها لشهر رمضان، قالت ان شهر رمضان شهر التعبد وشهر الخير والاحسان، فاستعداداتي لرمضان معظمها وأكثرها احافظ علي الصلاة وقراة القران الكريم، فأنا ابدا يومي الساعة ١٢ الظهر اصلي واقرأ القرآن، واساعد في أعمال المنزل علي قد ما اقدر.
وقالت جيانا بدأت اصوم من وانا صغير جدا من وانا عندي ١٠ سنين، وأول فانوس جالي كان من والدي.
وعن طقوسي في رمضان، لازم اول فطار يبقي مع عيلتي، ومافضلش ان اكل برا ودايما نوع الاكل زي كل المصريين محشي وبط وورق عنب، ومن ضمن طقوسي قبل الفطار ان دي فترة مهمه جدا بحب ادعي فيها قبل الاذان، وعن عزومات رمضان اهتم بيها جدا عزومات العيلة وعزومات الأصدقاء.
وأكدت جيانا ايضا، “انا لست بارعة في المطبخ، ولكن اكتر حاجه بحب اعملها المحشي”.
وبخصوص برنامجي الغذائي، انا بهتم اكتر علي حسب عندي بطولة او لا، “وبصراحة بحافظ علي وزني بالحب، إلا لو عندي بطولة يبقي متابعة مع دكتور تغذية” .
عن مسلسلات رمضان، انا مكنتش بتابع اوي مسلسلات رمضان غير يوسف الشريف وبما انه مش عامل مسلسل السنه دي مش بتابع اي مسلسلات.
وقالت جيانا انا اختلف رمضان زمان عن رمضان الحالي باختلاف كبير، قالت ان رمضان زمان كانت طقوسه احلي كتير من دلوقتي، وأن رمضان دلوقتي بقي عادي جدا ومليان حاجات كتير مش هي اللي متعودين عليها.
اكلتي المفضلة “السوشي” ومشروبي المفضل “الكراميل لاتية”، واحرص علي تناول الفول في السحور.
تحدثت عن مشاركتها بطولات في رمضان، قالت ان أبرزهم كانت دورة العاب البحر المتوسط وحققت فيها دهب، وكان في دوري عالمي في البرتغال وحققت فضية فيها.
وعن استعداداتي للعيد، انا دايما بحب اصلي العيد في مسجد بالقرب من المنزل، وانا دايما بحب اصليه مع اهلي واخواتي واحب احافظ علي العادات دي ما بينا واشارك عيلتي في كل المناسبات، وبستعدله استعداد طبيعي جدا زي شراء الكحك والبسكويت.
