هنا جودة تكشف سر خسارة سيدات تنس طاولة الأهلي لبطولة الدوري أمام الزمالك

طالبت هنا جودة لاعبة النادي الأهلي والمنتخب الوطني لتنس الطاولة الجماهير بالدعاء أن يكون القادم أفضل بعدما خسر الفريق الأول للسيدات بالنادي المباراة النهائية بالدوري أمام نادي الزمالك بالأمس.

وكتبت جودة على صفحتها على موقع التواصل الاجتماعي فيسبوك:
“الحمد لله علي كل حال…
للأسف خسرنا الدوري … لم يحالفنا التوفيق في المباراة النهائية مع نادي الزمالك …خسارة ٣ -٢
كانت تجربة قوية جدا ليا كأول مشاركة ليا في دوري السيدات
كسبت حاجات كتير منها واتعلمت كتير
اول حاجه كسبتها فرقتي الجميلة …اللي سعدت بالعمل معاهم الفترة الماضية
واتعلمت قوي ان كل خطوة جاية اصعب من اللي قبلها ومحتاجة شغل وتعب اضعاف اللي فات
واتعلمت ان النادي الأهلي طول عمره بيحتضن ابناءه في الخسارة قبل المكسب
ان شاءالله يكون القادم افضل …
دعواتكم الجميلة “.