وليد الملاح : ضرورة دعم أبطال مصر .. والموضوع ميبقاش عشان “التريند” وبس

طالب الدكتور وليد الملاح رئيس مجلس ادارة شركة روابط الرياضية رجال الأعمال بضرورة النظر لأبطال مصر الاوليمبين الذين حققوا العديد من الانجازات والبطولات على المستوي الدولي والقاري
وكتب الملاح على صفحته الشخصية بموقع التواصل الاجتماعى الفيس بوك :-
“محدش يعرف ابطال مصر .. حد شاف هدايه ملاك و محمد مصطفي اللى معاهم جنسية أمريكية واللي بيلعبوا ضد امريكا في الاولمبياد و بطولات العالم ..
هقول لحضراتكم شويه حاجات كده
رجال اعمال اعلنت تضامنها مع لاعب المصارعة علي الرغم من اننا عرضنا عليهم ابطال و كان موقفهم اصعب بمراحل و متوقع لهم ميداليات عالم و اولمبياد و لم يتحركوا خطوة للامام لكن وقت الترند تحركوا
ابطال بتشقي و تتعب و تحقق مراكز لاول مرة محدش حتي بيشير لهم خبر
مئات الابطال حاملين ميداليات قاريه و عالم و محتاجين دعم اكتر علشان يوصلوا للعالمية وضعهم اسوء بكتير من كون والدهم سائق توكتوك اللي يعتبر حاله جيد و عنده عمل بالنسبه لاخرين اكثر احتياجا
الغريب ان الابطال الحقيقين لما يكتبوا و ينفجروا يقولك حد ملاهم و زقهم
محدش فكر ليه اللاعب مسفرش من مصر و هو معه الفيزا ❗️❗️ علشان التجنيد مكنش هيعرف يخرج الا من خلال بطوله
حد يفتكر ان اللاعب ده هيلعب لبلد تانيه مش هيحصل ده رايح يكسر فيزا و يشتغل بره زي ناس كتير اشقي منه
اللي عاوز اقوله شجعوا ابطالكم و اقفوا وراهم واللي عاوز يدعم يدعم بطل حقيقي يقف وراء موهبه بجد